قصيده ورد لنصرة المصطفى صلى الله عليه وسلم

لآ متى حب الكراسي والمناصب والتجـارهْ
لامتى يحفاد ابو بكـر وعمـر متخاذليـن
لآ متى نصبر وكل ٍ في القضيه له قـراره
واحدٍ رايه شمـال وواحـد ٍ رايـه يميـن
لآ متى حب المصالح شاغل ٍفكر الـوزاره
تعبدون الكرسي اللي تحرسه مليون عيـن
والعدوّ اظهر علينا فـي المياديـن اقتـداره
دنس القدس الشريف ودمر ارض الرافديـن
كيف ضيعتوا بحب الذات للمسلـم وقـاره
لين حسلان البشر تهزاء بسيـد المرسليـن
سيد ابن ادم شفيع العبد في يـوم انعثـااره
مخرج الامه من الظلمات الي النور المبيـن
والله ان الروح لو تفديه ماراحـت خسـاره
دامها في جنة الفردوس شـف الصالحيـن
قاطعوهم قاتلوهم يا عـرب لـو بالعبـاره
وارفعوا كف الدعاء وادعو عليهم كل حين
العدا تبطش بنا وانتم على بعض الشطـاره
بين سنه بين شيعه من يـدان ومـن يديـن
مثل بغداد الجريحه يـوم هدتهـا المغـاره
لخنازير استراحـت والعـرب متناحريـن
والله انا في نظرهم من حقاره فـي حقـاره
لين نوقف صف واحد في وجوه الشامتيـن
ثم نسقيهم مرار الذل من جـوف الغضـاره
اللي اسقونا بها في القدس من عـدة سنيـن
ياعرب يا مسلمين المصطفى رد اعتبـاره
ما هو بكلمه تجي عبر الصحافـه مرتيـن
نصرته من نصرة الله وافهموها بالاشـاره
لانصرنا الله فلا غالـب لنـا يـا مسلميـن
يالله انصرنا وناخذ للنبـي المختـار ثـاره
نصر من عندك مؤزر وانت خير الناصرين
والختام افضل صلاه على نبـي ٍ بالبشـاره
جاء ونورالحق يسطع من وجانه والجيـن

الرد من الشاعر القبيسي الشهري

يا طويل العمر كوكبنـا تغيـر عـن مسـاره
المسـار اللـي توسمنـاه فــوق العالمـيـن
اثرت فيـه البـروده مااثـرت فيـه الحـراره
شوف عينك مفطرين وشوف عينـك صايميـن
راكبين فـوق بعض,,واقفيـن فـي الاشـاره
لا تقـل متطمنـيـن ولا تـقـل متخوفـيـن
ناس في الصندوق معزوله وناس(ن)في الغماره
واحنا من زود التلاحم في الكنـب متحاشريـن
حنا حنا,, عش ليومك والفرج طـال انتظـاره
مـرة(ن) متأهليـن,, ومـرة(ن) متعزبـيـن
انت تنخى مين يا عبدالله؟؟ انت اش فيك شاره؟؟
كيـف تشرهنـا وحنـا نفسنـا متشارهيـن؟؟
انلطمنـا (بالشباشـب) وانحذفنـا بالحـجـاره
واشترينا الرث واعطينـا خصومتنـا السميـن
ناس تفِرقنا عصى القاضي وتجمعنـا السجـاره
احنـا مظلوميـن لكنـا لــك الله ظالمـيـن
كيف تبغانا نقاطع واحنـا فـي شلـة غجـارة
غجرة التاجر علـى غجـرة قلـوب الميتيـن
جملة اذيال الفشل,, حنـا نجرجرهـا جـراره
لاحـرارة دم صناهـا,, ولا مويـة جبـيـن
كيف تبغانـا نقاطـع جبن(بوك)ودهـن سـاره
كيـف تبغانـا نقاطعهـم وحـنـا عاجـزيـن
لا تقل شد الجمـل لكـن قـل شـد الحمـاره
العرب والمسلميـن اليـوم يـا شيـن الهجيـن
سمهـا منـا حقاره,,سمـهـا مـنـا قــذاره
وش تسمينـا وهـم فينـا لـك الله عابثـيـن
والله ان الـذل يـا عمـي بنينـا لـه عمـاره
سـار حنـا والمذلـه والخنـا,, متجـاوريـن
الرسول المصطفى ما هوب في حاجـة غثـاره
الرسـول المصطفـى زكـاه ربـك يالعويـن
يا عسى عقب الرسوم تقب للحـرب الشـراره
يا عسـى تشفـى قلـوب المسلميـن العاكفيـن

مشكور الله يعطيك العافية

على الموضوع الرائع

تقبل مروررررررررررررررري

جزاك الله كل خير

تشرفت بمروركم

لكم جزيل الشكر