ملخص لابرز ماجاء في لقاء كحيلان بقناة روتانا الخليجيه

السلام عليكم

صراحه كانت حلقه مثيره والاكثر روعه هو المذيع تركي العجمه اللي طرح اغلب مايدور عند الجمهور النصراوي ..

ساله تركي عن قوله في مداخله .. انا الامير فيصل بن تركي بن ناصر ال سعود وان فيها تكبر وتعالي

قال كحيلان انا قلت فيصل بن تركي بدون امير وماعندي شي اسمه تعالي بس قلتها لاني على شجاعه بالمواجهه للذي يسيئ لنادي النصر .

ساله تركي عن خالد البلطان ..

قال كحيلان .. الشخص اللي ذكرت اسمه ماودي اعطيه اكبر من حجمه وجلس يعدد الشخصيات الشبابيه ويمدحها وواضح ان كحيلان للحين حاقد على هالبلطان بس كفو بيضت الوجه معه ومثل ماقلت مانعطيه اكبر من حجمه وايضا ذكر ان علاقته جدا ممتازه مع تركي الخليوي وباقي ادارة الشباب .

ساله عن المدرب زينجا ..

وقال انه هو من اختاره ومن ثلاث شهور واكثر وهو يتابع الفريق ويدون ملاحظاته على الفريق

ساله تركي عن اللاعب البرازيلي ..

قال انه اختيار بين المدرب والاداره والمدرب تابع اللاعب بمباريات وصار فيه تنسيق وجبنا اللاعب وهو لاعب ممتاز .

ساله عن فيقاروا ..

قال انه ممكن يبقى وممكن يرحل .. وممكن يكون بالمعكسر ست اجانب الثلاثه اللي الحين مع فيقاروا وحسام غالي ومع اللاعب الجديد اذا تعاقدوا معه ..

ساله عن اللاعب الجديد وهل هو الرماني << نسيت اسمه

قال يمكن هو مطروح وفيه كم لاعب روماني ولاعبين كثر ممكن ياتون لنادي النصر ...
بس اللي فهمته ان الاقرب يجلس فيقاروا بالنادي لانه يلعب وسط ايسر وصانع العاب وهذا مو موجود بالنصر حتى الان ..

ساله تركي العجمه عن الداعمين للنادي .. وهل هم من هيئه اعضاء الشرف ..

قال انهم تقريبا اربعه داعمين .. وفيه منهم من هيئه اعضاء الشرف وفيه ناس مو منهم وكلهم يرفضون ذكر اسمائهم

ساله عن مدرب درجة الشباب..

وقال انه تم الاتفاق انه يبقى وهو مدرب ممتاز ويكون فيه تنسيق بين مدرب الشباب والمدرب زينجا ..

ساله عن اللاعبين المحليين وانك ذكرت انه مافيه لاعب محلي راح يجي النادي .

قال انه مابعد صار شي .. واهم شي قاله .. ان نادي النصر اذا تفاوض واعلن الكل يدخل عليه .. لكن هالمره نبي نقول ماحنا متعاقدين ونشوف وش يصير ..

اللي فهمته انه فيه مفاوضات او عند الاداره نيه بهالشي بس كحيلان ماوده يتسرع مثل الصفقات الماضيه ..

ساله ان النصر يعاني من ازمه ماليه ..

قال كحيلان .. مافيه نادي مايمر بازمه ماليه لكن حنا مافيه احد يطالبنا بشيء وجميع اللاعبين مستلمين حقوقهم الا حسام غالي باقيله 320 الف دولار

ساله ان كحيلان رجل صدامي ويرد على اي من كان وانهم يخشون مواجته لانه صدامي مع الجميع ..

قال كحيلان اني مانيب صدامي واميل للهدوء بس فيه اشياء ماينسكت عليها مثل سالفه الدوخي وقصة المنشطات ولازم ادافع عن نادي النصر لاني مؤتمن عليه .

قال بكل صراحه انه يتحمل فشل التعاقدات مع الاجانب والتعاقد مع المدرب .

فيه مداخله للوليد بن بدر وقال ان كحيلان شخص غير صدامي وبالعكس هو شخص محب للنادي وحنا نبي ناقف معه .

كان فيه كليب رائع للنصر وكحيلان وجمهور الشمس .. واغنيه اكثر من اول احبك بس مابغى

ملخص لابرز ماجاء في لقاء كحيلان بقناة روتانا الخليجيه Icon30

ملخص لابرز ماجاء في لقاء كحيلان بقناة روتانا الخليجيه Icon30

هذا اللي لخصته باللقاء وزبدة اللقاء وانشالله وفقت فيه ملخص لابرز ماجاء في لقاء كحيلان بقناة روتانا الخليجيه Smile

تحياتي لكم

مشكور الله يعطيك العافية

على الموضوع الرائع

تقبل مروررررررررررررررري

تشرفت بمرورك العطر

» كحيلان ينفي التغيرات في الادارة
» الأمير فيصل بن تركي ضيفاً على قناة روتانا خليجية